Volkswagen 已經確認，經典 GTI 家族將踏入電動時代，首款小鋼炮會以 Volkswagen ID. Polo GTI 之名亮相。官方表示，新車最快會喺 2026 年推出，並將延續 GTI 的運動定位。
Volkswagen ID. Polo GTI：經典名牌進入電動時代
Volkswagen 近月公布全新命名方向，將熟悉的車系名稱逐步帶入 ID 家族。根據計劃，ID.2all 概念車會量產成為 ID. Polo，而今次的 GTI 版本，則係 ID 系列中第一款掛上 GTI 標誌的電動小鋼炮。CEO Thomas Schäfer 直言：「ID. Polo 只係開始，未來 Golf、Tiguan、Passat 都會以電動身份延續。」換句話講，「ID.」前綴暫時會保留，用來區分電動與燃油世代，但長遠可能會被取代。
設計與性能
從偽裝車圖睇，保留傳統 Polo 的緊湊比例，但線條更結實，車身姿態比燃油版更「紮實」。外界預計量產車會採用前驅架構，輸出馬力突破 200 匹，續航力大約 400 公里。雖然數字比現役 Polo GTI 更亮眼，但電池重量可能會令操控靈敏度打咗折扣，這亦係車迷最關注嘅問題。
Volkswagen 表示，即使係入門級電動掀背，ID. Polo 系列都會引入不少高階技術，例如 自動變道、紅綠燈識別、360 度環景、記憶泊車輔助等。對比以往 Polo，呢次嘅配備升級顯然係拉高定位，令電動 GTI 變得更全面。
根據德國官方資料，基礎版 ID. Polo 定價會低於 €25,000（約 $29,000 美元）。至於 ID. Polo GTI，售價肯定會再高一截，但仍然比 Tesla Model 3 或 ID.3 更親民。對加拿大市場而言，如果最終引入，售價大約會落喺 4–5 萬加幣區間，加上政府 EV rebate，會成為年輕車迷或者首次入門 EV 買家的新選擇。不過，加拿大冬天對小容量電池挑戰不小，續航表現仲要留待實測。
Polo GTI 目前仍處於偽裝測試階段，完整規格同細節有待官方進一步公佈。雖然車身仲係穿住偽裝貼紙，但唔知點解，呢隻撞色我覺得幾靚。呢啲誇張迷彩色，目的係 吸引眼球之餘，又可以打散實際車身線條，唔想比人一眼望穿最終外觀。不過近年 Volkswagen 喺顏色選擇上，確實愈嚟愈大膽，好似之前新 T-Roc 用 Canary Yellow、或者 ID. Buzz 用雙色拼搭，都係市場上幾受歡迎嘅配色。
如果 ID. Polo GTI 最終量產都推出啲鮮明、限量感嘅配色，喺多倫多或者溫哥華街頭，相信回頭率會好高。
想睇更多車壇新聞？
歡迎重溫我哋之前介紹過嘅
