BMW iX3 正式發佈　Neue Klasse 時代 SUV 的起點

全新BMW iX3 終於喺慕尼黑 IAA Mobility 車展公佈，呢部中型純電 SUV 唔單止係現款 iX3 嘅換代，更係 Neue Klasse 平台嘅第一款量產作品。官方確認新車會於 2025 年 11 月投產，並喺 2026 年陸續登陸全球市場。

new BMW iX3 50 xDrive – Highlight Assets

BMW

BMW iX3 動力與續航

新 iX3 首次採用第六代 Gen6 eDrive 系統，電池技術全面升級，能量密度提升約 20%。在 WLTP 標準下，最大續航估計為 650 公里，比現行 iX3 有明顯進步。充電速度亦大幅提升，基於 800V 架構，最大充電功率可達 400kW。官方數據顯示，只需 10 分鐘就能補充大約 300 公里以上續航，實際使用上大大減少等待時間。

相比舊款，新 iX3 唔單止跑得更遠，更補能更快，亦真正踏入「長途無憂」嘅電動車世代。

BMW

設計與內裝

外觀延續 Neue Klasse 嘅簡潔風格：垂直雙腎格柵更扁平，日行燈簽名橫向拉伸，整體比例比以往更俐落。側面採用隱藏式門把手，車尾則以細長 LED 燈組勾勒。相比傳統 SUV，線條乾淨得多，係 BMW 為電動車世代重新定義嘅「面孔」。

座艙部分則徹底數碼化。新車配備 Panoramic iDrive，將駕駛資訊投影到擋風玻璃全域，再配合全新 BMW OS X 操作系統。軚盤設計經過簡化，結合 Shy Tech 哲學，傳統實體鍵明顯減少，但常用功能集中於駕駛者可觸及位置。氣氛燈與再生物料鋪陳亦強調可持續感，比起現行 BMW 內櫳更前衛。

BMW

電子架構與智能系統

新 iX3 亦係首部採用全新 zonal 電子架構嘅 BMW，由四個「Superbrains」中央電腦管理，計算力比舊款高出 20 倍。這意味 OTA 升級可以更快更廣，AI 輔助與自動駕駛功能更靈活。官方公佈，iX3 將提供 Motorway & City Assistant，能夠喺高速及城市環境實現更進階駕駛輔助；煞車系統亦升級為 Symbiotic Brakes，能夠回收多達日常駕駛 98% 制動能量。

另一個突破係 iX3 成為首部支援 V2L（對外供電）、V2H（家用供電）、V2G（反饋電網）功能的 BMW，換句話講，佢可以變成流動電源：幫你俾戶外電器供電、屋企緊急供電，甚至回饋電網。BMW 稱之為 Energy Master，對於電網穩定性與車主日常應用，都多咗一個實際用途。BMW 稱呢個概念為 Energy Master，強調電動車角色不只限於行駛。

BMW 強調，Neue Klasse 唔只係一個電動平台，仲係全方位減碳工程。新 iX3 用料中約有三分之一係再生物料，整個供應鏈採用可再生能源，生產過程碳排放降低 35%。品牌估算，只需行駛約 21,500 公里，新 iX3 已經可以達到比燃油 SUV 更低的全生命週期排放。

BMW

對加拿大市場嚟講，805 公里嘅續航加上 AWD 選項，無論係多倫多市區通勤，定係冬季雪地長途，實用性都比前代強得多。加拿大的定價將於 2026 年第一季公佈，但預期會落喺 8 萬至 9 萬加幣區間，高於現行 iX3（約 73,000 加幣）。如果能符合聯邦同省政府 EV rebate，對買家仍具吸引力。